Þessi steikti fiskur er alveg voðalega góður í hann notuðum við Panga sem sem er voða góður fiskur. Það má einnig nota heima, karfa, keilu eða annan aðeins feitan fisk ekki mikið.
Uppskriftina fann ég í blaði sem eru uppskriftir frá Carlosi sem er frægur kokkur hér á Spáni og er með þætti núna á stöðinni Antenna 3 kl 12:15 alla virka daga og er mjög gaman að horfa á. Hvet ykkur konur sem búa hér að horfa á hann, maður lærir mikið um matargerð af honum, sérstaklega spænskan mat.

Steikur fiskur með niðursoðnum paprikum og sósu

Fyrir 4

Panga eða annar fiskur 1300 gr.
3 niðursoðnar paprikur eða krukku
4 rif hvítlaukur
4 blöð af káli þessu sem er aðins rautt í endana
2 egg
2 matskeiðar hveiti
olívuolía
salt.

Sósan
Mayones eins mikið og þið viljið hafa sósuna
2-3 litlar súrar gúrkur
10 kúlur af capers
1 lítill laukur
steinselja.

Setjið olíuna á pönnuna góðan slurk og setjið hvítlaukinn í án þess að taka utan af honum og látið hann vera á pönnunni allan tíma svoleiðis, hann á ekki að borða nema maður vilji, þetta er til að fá hvítlauksbragð af fiskinum.
Veltið fiksinum uppúr hveitinu svo egginum og steikið þar til hann verður fallegur á litinn.
Sósan:
Skerið allt smátt sem á að fara í sósuna og setjið  saman við mayonesið.

Setjið á diska þannig:
Fyrst paprikurnar fiskinn þar ofaná kálið fallega við hliðna og sósuna þar á
eða eins og þið viljið hafa það.

Það má líka búa til mayonesið
2 egg
smá vínedik
vatn
og olíu
hrærið saman í blandara.

Verði ykkur að góðu

Hér kemur mjög góð og nýstárlegur réttur sem er mjög góður og auðvelt að búa til.
Hann er upprunninn frá Magna Guðmunds. á Seljalandi á Ísafirði sem er mikill matmaður og frábær kokkur
og er duglegur að prufa nýjar uppskriftir og ég er svo heppinn að hann er bróðir minn og fæ því oft að smakka
margt sem hann prófar.

Saltfiskur með kjúklingum

Fyrir fjóra:

4 bitar saltfiskur ca. 125 gr. stykkið

2 litlir kjúklingar skornir í bita

2 laukar

4 Tómatar skornir í tvennt

6 rif hvítlaukur skorin eftir endilöngu

Olía

Hvítvínsedik

Salt ef þarf

Steinselja söxuð

Saltið aðeins yfir kjuklingabitana og setjið í eldfast fat og hellið olíu yfir
bakað vel í heitum ofni við 200 gr. ca. 1 klukkustund eða þar til kjúklingarnir eru orðnir vel meyrir.
Ausið yfir með soðinu sem myndast öðru hvoru.
Bætið við lauknum skorinn í fernt og tómötunum skornum í tvennt þegar 20 mínútur eru liðnar af tímanum
og haldið áfram að ausa yfir.

Þerrið saltfiskinn á meðan á bakstrinum stendur og veltið uppút hveiti steikið í vel heitri og mikilli olíu
þar til saltfiskurinn verður gullin á lit.

Bætið saltfisknum í fatið í ofninum þegar kjúklingurinn er alveg að verða tilbúin eða eftir ca. 50 mín.
Lækkið hitann og steikið áfram í ca. 10 mín.

Hitið dálítið af olíu í potti skömmu áður en rétturinn er borinn fram, steikið þar í hvítlaukinn sem skorinn
er í sneiðar eftir endilöngu, látið suðuna falla niður, setjið hvítvínsedikið í hellið þessu yfir réttin í fatinu og stráið
saxaðri steinselju yfir og berið strax fram.

Meðlæti eftir vali:

Soðin hrísgrjón
Steikt grænmeti
Rioja rauðvín ómissandi að mínu mati

Verði ykkur að góðu.

Skeljaréttur

2 laukar smátt skornir
2 rif hvítlaukur smátt skorinn (má nota fleiri ef vill)
1 stór matartómatur, tekið af hýðið og smátt skorinn
2 matsk. olífuolía
1-2 tesk. sterkt paprikuduft
1 kg. lúða eða sandhverfaa ef einhver veit hvað það er)
kærklingur eða aðrar skejar þessar litlu hér á Spáni
20 stórar rækjur í skel eða pillaðar eins og hver vill
1/2 bolli hvítvín

Laukur, hvítlaukur og tómatur er steikur á pönnu í olífuolíu í svona 10 mínútur.
Kryddað með salti og paprikuduftinu.
Setjið þetta í eldfast fat og setjið fiskinn, rækjur og skeljar ofná
og hellið hvítvíninu ofaní, og eldið í 20 mínútur í 180 gr.
Þetta er uppskriftin úr bókinni.

Mín er svona:
Eins gert með lauk, hvítlauk og tómata steikti þetta vel setti svo hvítvínið útí
og allar skeljarnar og rækjurnar ég setti engan fisk, ég steikti þetta allt á pönnu.
Tvær sortir af litlum skeljum sem fást hér í fiskborðum ferskar og góðar, eins rækjurnar
ég hafði pillaðar.
Svo drukkum við kampavín með þessu og þetta var alveg draumur.
Ábyggilega gott á krækling, það ætla ég að prófa næsta sumar.
Verði ykkur að góðu.

Þennan rétt fann ég í norsku blaði, og er hann mjög góður, ég notaði nú bara venjulegan fisk sem hér fæst og líkist ýsu, en þessi er örugglega góður úr saltfiski.

Fiskréttur frá Spáni

600 gr. fiskiflök
4 sjallottlaukar
2 hvítlauksrif, pressuð
200 gr niðurskornir sveppi
150 gr. chorizopylsa- notið bara pepperoni
600 gr. niðurskornir tómatar
2 dl. grænmetissoð
600 gr. kartöflur í bitum
2 matsk. olívuolía
salt og pipar

Steikið laukinn, hvítlauk, sveppi og pylsuna í 3-4 mín, síðan tómatana og látið þetta steikjast í nokkrar mínútur.
Hellið grænmetissafanum, og setjið kartöflurnar útí og kryddið með salti og pipar og steikið þar til karöflurnar eru oðnar mjúkar.
Leggið fiskinn og látið sjóða þangað til fiskurinn er soðinn erða 4-5 mín. Smakkið til með salti og pipar.

Voða gott og þægilegur réttur allt til í einu, kartöflur, gænmeti og fiskur.

Þessa uppskrift hef ég notað tvisvar. Um jólin hafði ég heila önd eins og uppskriftin segir til um. Svo elduðum við Magni hana hér um daginn þegar þau hjónin voru í heimsókn en þá vorum við með andabringur, sem hann steikti á pönnu eins og myndin sýnir, þetta er voðalega gott og góð uppskrift og einföld.

Uppskriftin hér er eins og ég eldaði hana um jólin, eins og hún er í bókinni góðu.

Önd í appelsínusósu

Pato a la naranja

1 Önd sirka 2 kg.

Salt og pipar

3 matsk. oívuolía

250 ml. ný kreistur appelsínusafi

125 ml. hvítvín

1 tesk. hunang

2 1/2 matsk. brandý

Appelsínusneiðar til skrauts.

Eldunartími 1 klst.

 

Þvoið og þurrkið öndina og nuddið með salt og pipar. Stingið í læri og brjóst nokkrum sinnum, gott að gera með gaffli.

Hitið ofninn í 200 gráður, setjið öndina í ofnskúffu með bringurnar niður og eldið í 1/2. Snúið þá öndinni við og berið ólívolíunni á 10 mín. fresti, næsta 1/2 tímann. Takið öndina úr ofninum ef þið eruð viss um að öndin sé steikt. Mismunandi tímar eftir ofnum og stærð fulglsins. Haldið heitri.

Sósan: Sigtið soðið af öndinni, takið fituna í burtu og sjóðið saman hvítvín og appelsínusafann. Setjið svo hunang og brandý saman við og látið sósuna þykkna. Bragðbætið með salt og pipar. Hellið sósunni yfir öndina og skeytið með appelsínusneiðnum og berið fram strax.

Voðalega gott. Meðlætið getur verið hvað sem er og passar með appelsínum.

 

Nú hef ég loksins orðið mér úti um uppskrift eða uppskriftir af ætiþistlum. Fór og keypti mér matreiðslubók á spönsku og reyni svo bara að þýða það sem mig langar til að elda. Þessi uppskrift er góð sem forréttur og er sett upp þannig, en við notuðum hana sem meðlæti með öndinni, þar sem enginn hafði smakkað þetta áður. Þetta er mjög gott og sósuna má alveg örugglega nota með öðru grænmeti, bara láta hugmyndaflugið ráða.

Fermín bóndi kom með fullan poka á þriðjudaginn.

Ætiþistill í rjómasósu

Alcachofas a la crema

 

1- 2 Ætiþislar á mann

50 gr. smjör

30 gr. gulrætur niðurrifnar

30 gr. laukur smátt skorin

1/2 l. mjólk

2 matsk. hveiti

2 matsk. rjómi

30 gr. parmesanostur

1 egg

Salt

 

Þegar þið hreinsið þislana hafið þá sítrónuvatn við hendina og gýmið þá í á meðan einnig má sjóðða þá uppúr sama vatni.

Vatn í skál

nokkrir sítrónudropar

þetta er gert svo þeir verði ekki svartir

Byrjið á að snyrta ætiþislana takið neðstu blöðin og þau þykkustu í burtu og takið fínu stráin sem eru í miðjunni burtu þá myndast þar lítil hola. Sjóðið þá í svona 45 - 50 mín fer eftir stærð.

Bræðið smjörið og setjið hveiti saman við, og bakið upp sósuna setjið mjólkina hægt saman við, þegar sósan er orðin passlega mjúk setjið þá gulræturnar og laukinn samman við og látið krauma hægt, passið að það brenni ekki við.

Setjið svo rjóman og eggið saman við.

Fyllið ærtþirslana með sósunni og setjið vel utan á og setjið þetta í eldfasta skál, parmesanost ofaná hvern þistil og setjið þetta í heitan ofn þangað til þetta verður gullinbrúnt.

Þessi réttur er algert æði. En best er að hafa hráar rækjur í hann. En hér er hægt að fá þær frosnar í pokum pillaðar og fínar. Ég hafði einn poka fyrir okkur tvö, vel ríflegt en það eru 360 gr. pokanum. Þessi uppskrift er líka úr spænsku bókinni.

Hvítlauksrækjur

Gambas al ajillo

 

 

600 gr. rækjur pillaðar helst hráar

1 bolli olivuolía

6 hvítlausrif skorin fínt í sneiðar(má hafa meira)

2 chillli pipar skornir fínt (má sleppa)

Salt

 

 

Gott að nota litlar skálar sem hægt er að hita í ofni. Þessar brúnu sem margir hafa keypt sér á Spáni.

Hitið olíuna á pönnu og setti hvítlaukinn og chillipiparinn hitið þetta saman á lágum hita þar til hefur komið gullin litur á hvítlaukinn ekki steikja hann mikið. Setjið saltið útí.

Setjið svo rækjurnar útí í nokkrar mínútur og setjið svo þetta í skálarnar heitar og borðið strax með heitu brauð og hafið smá hvítvín með mammmmmmmmmm.

 

 

 

 

 

 

 

Þessi réttur er mjög góður og auðveldur hann er ú spönsku bókinni minni góðu. Ég á nú ekki ennþá blandara svo ég hafði nú guræturnar og laukinn bara í litlum bitum, en eins og það á að vera er ábyggilega miklu betra útaf sósunni.

Prófið nú og endilega látið  mig vita ef ykkur líkar þetta.

Verði ykkur að góðu

 

Prehuga de pollo a la naranja

Kjúklingabringur með appelsínum

 

 

4 kjúklingabringur án skinns

Salt og pipar

4 matsk. olivuolía

2 gulrætur í sneiðum

1 laukur í sneiðum

1 tesk. sykur

Safi úr 3 appelsínum

Safi úr 1 sítrónu

1/2 bolli hvítvín

Appelsínusneiðar til skauts

Saltið og piprið bringurnar og steikið þær uppúr olíunni þar til þær eru fallega brúnar.

Takið og geymið þær heitar.

Steikið gulræturnar og laukinn þar til það er mjúkt, setjið þá appelínusafann, sítrónusafann og hvítvínið á pönnuna þar til komin er góð sósa, setjið þá í blandara og kryddið með salti og pipar.

Setjið aftur á pönnuna og kjúklingabringurnar með og hitið í svona 10 mínútur eða þar til ykkur finnst kjúklingurinn orðin soðinn. hafið lok á pönnunni eða pottinum.

Sett á fat og skeytt með appelínusneiðum og hafið salat og hrísgrjón með.

 

Þessa uppskrift fann ég í bresku blaði sem gefið er út hér á Costa Blanca, en þau eru nokkur og flest ókeypis. Það eru oft góðar uppskriftir í þeim, svona lagaðar að spænskri matargerð. Þetta er mjög gott svona sætt sterkt.

Ungversk svínagúllas með eplum

750 gr. svínagúllas

2 epli afhýdd og skorin í bita

3 matsk. olívuolía

2 meðalst.laukar

2 matartómatar afhýddir og skornirí bita

1 grænn pipar

2 tesk. paprikuduft

1 bolli hvítvín (má sleppa)

2 bollar af sýrðum rjóma

Salt

Hveiti

 

 

Kjötinu er velt uppúr hveiti og steikt í olíunni á pönnu. Setjið kjötið í pott,  brúnið laukinn tómatana, eplin og græna piparinn á pönnu þar til það er orðið mjúkt.

Setjið paprikuduftið, saltið og vínið og látið sjóða í nokkrar mínútur og hellið svo yfir kjötið.

Látið sjóða í 25 mín. og setjið þá sýrða rjómann út í  og soðið  lengur eða þar til kjötið er orðið meyrt.

Svona gerði ég það en bretar setja þetta í ofnfat og elda þetta í ofni sem má líka gera.

Fyrst kjötið svo grænmetið og sýrðarjóman síðast til að fá sósuna.

En með þessu er gott að hafa salat og hrísgrjón.

Þessa uppskrift prófuðum við Helga líka í haust. Hún er úr bókinni minni góðu.
Við höfðum aldrei eldað kanínu bara borðað hana á veitingastöðum, þá aðallega með miklum hvítlauk en mér finnst hún mjög góð og minnir svolítið á kjúkling. Kjötið er ljóst og mjúkt.
Ég veit nú ekki hvort það eru seldar kanínur á Íslandi en þið ættuð að prófa þetta ef þið sjáið kanínu í búð, það er alveg þess virði. Nema kannski þeir sem eiga þær fyrir gæludýr.
Í þessum uppskriftum er mikill hvítlaukur en hann er mikið borðaður hér eins og flest ykkar vitið, hann er líka góður við kvefi og ýmsum öðrum hvillum.

Kanína með möndusósu

1 kanína skorin í hæfilega bita
Salt og pipar
1/2 bolli olívuolía
2 laukar saxaðir
5 rif hvítlaukur saxaðir
1 matsk. hveiti
250 gr. matartómatar afhýðaðir og skornir í bita
1 bolli hvítvín
250 ml. vatn
100 gr. möndlur saxaðar
2 greinar Timjan
1 lárviðarlauf
1 matsk. möndluflögur

Nuddið kanínubitana með salti og pipar, og steikið í góðum potti úr olíunni vel á öllum hliðum.
Setjið laukinn og hvítlaukinn saman við og steikið smá stund. Setjið þá hveitið og tómatana út í og hrærið vel.
Síðan hvítvínið og 250 ml. af vatni, timjan, lárviðarlauf og möndlurnar söxuðu, bragbætið með salti og pipar ef vill.
Þetta er síðan soðið saman í 45 mínútur. Áður en þið berið þetta fram takið þá timjangeinarnarog lárviðarlaufið upp úr, og stráið mönduflögunum yfir.
Með þessu höfðum við soðnar kartöflur, tómatsalat og brauð. Og eitthvað gott að drekka.

Tómatar með hvítlauk

1 stór matartómatur afhýðaður og skrorin í sneiðar
4 rif hvítlaukur
2 matsk. vínedik
Salt og pipar
Cumin og paprika bara lítið
4 matsk. ólífuolía
400 gr. venjulegir tómatar

Mixið saman matartómatinn og hvítlaukinn. Setjið síðan edikið, salt , pipar, cumin, paprikuduft og olívuolíuna saman við.
Skerið niður venjulegutómatana og setjið á fat, og hellið tómatmixinu yfir skeytið með persillu.
Mjög gott. Má nota með mörgum mat.