Þórdís&Dúddi - Blogg http://www.gusti.is/silakot/ Snerpill Vefumsjón 60 <![CDATA[Pálmar og kartöflur]]> http://www.gusti.is/silakot/blogg/Palmar_og_kartoflur Kuldaboli hefur verið aðeins að líta við þá sérstaklega á nóttunni og þá er hann lengi að fara úr húsinu á morgnana, en hann hverfur alveg um miðjan daginn því þá er of heitt á hann en svo læðist hann inn aftur á kvöldin og þá verður að fara að kveikja upp í arninum eða á gasofunum. Dagurinn er því oft stuttur hjá manni því manni finnst voða gott að kúra lengi í heitu rúminu svo dagsverkið er stutt, en það er allt í lagi því ekkert er kaupið.
Við tókum okkur nú til um daginn og gáfum Fermín pálmann sem verið hefur hér í patíóinu hjá okkur hann var voða sætur og lítill þegar við keyptum hann, en hann var orðin ansi stór og digur svo við urðum að fjarlægja hann. Fjölskyldan var voða ánægð að fá svona fallegan pálma svo það var drifið í að flytja hann einn daginn. Fermín kom og hjálpaði til og var búinn að grafa holu fyrir hann hérna undir vegg hjá sér svo við getum alltaf fylgst með honum það verður gaman að sjá hann stækka. En það er nú tómlegt í horninu því hitt blómið fór líka út. Þarna ætlum við að setja annað mósaíkborðið og stól og sitja þarna í sólinni snemma á vorin og seint á haustin. Dúddi er nú að mósaika í holuna.
Svo einn daginn fór hann með Fermín að hjálpa honum að setja niður kartöfur og er svolítið öðruvísi útsæði sem hann notar hann tekur stórar kartöflur og brytjar þær niður og búmm svo koma bara kartöflur úr þessu. Við höfðum nú aldrei séð þetta áður en þetta er víst gert í Þykkvabæjnum segir Rut okkur hún er þaðan. Þetta leit samt allt bara vel út og voru þeir enga stund að þessu Fermín var reyndar búinn með hálfan garðinn þegar Dúddi kom út. Hann er bara svo slæmur í bakinu kall greyið enda engin furða eins og þeir standa við öll verk . Gaman að því að hann sendi Dúdda inn til sækja mig til að taka myndir af þeim, eins og við reyndar gerum alltaf þegar eitthvað er um að vera. Hann fylgist greinileg vel með öllu sem við gerum.
Annars er nú ekki mikið að frétta jú við erum að fara á þorrablót með íslendingum á föstudaginn og verða þar um 50 manns maturinn kemur frá Íslandi og hlakkar okkur mikið til að fá að smakka smá súrmat sérstaklega punga, bara að það komi nú nóg af þeim, það vantaði á þá í fyrra. Svo erum við að fara til Madrid 14 febrúar með Helgu og Gumma, að halda uppá afmæli og þar verðum við í 3 daga. Mikið hlakka ég til að fara þangað í fyrsta sinn það verður tekið á móti okkur með pompi og prakt af frænku okkar Jakobínu sem þekkir allt í Madrid. Þið fáið ferðasöguna síðar.
Eigið góða daga á þorra og borðið ekki yfir ykkur af þorramat.]]> Tue, 31 Jan 2012 13:04:00 +0000 http://www.gusti.is/silakot/blogg/Palmar_og_kartoflur http://www.gusti.is/silakot/blogg/Palmar_og_kartoflur#comments <![CDATA[Bóndadagur]]> http://www.gusti.is/silakot/blogg/Bondadagur Við sátum bara úti í dag, ég var að prjóna lopapeysu og Dúddi las fyrir mig uppúr ensku dagblaði voða kósý við vorum búin að taka húsið í gegn skúra, skrúbba og bóna svo nú er voða fínt hjá okkur. Það hefur verið svo kalt að við höfum varla nennt að þrífa almennilega.
Það var gaman að sjá kellurnar úr Mudamiento í dag þegar þær fóru í sinn daglega göngutúr þær voru flestar með regnhlíf því það má ekki skína sól á andlitið, sólin var nú samt farin að lækka á lofti, annað en við Íslendingar sem ekki meiga sjá sólageisla þá er rifið sig úr fötunum og glennt upp í sólina, en hér passa þær sig kellurnar að hrukkurnar komi ekki of fljótt.
Á síðasta laugardag var okkur boðið í veislu til Helgu og Gumma í nýja húsið með vinum okkar Hörpu, Vishnu, Felí og Heladio það var auðvitað mikið fjör og mikið gaman eins og venjulega og bæði töluð spænska og íslenska og líka öllu ruglað saman voða fjör.
Það eru nú fáar myndir settar inn núna en það koma nokkrar úr veislunni eins og vant er.
Það er alltaf jafngaman í skólanum og gengur bara vel er komin í nýjan bekk svo nú erum við fjögur.
Miklar fréttir, við erum búin að panta farið heim, við komum með norrænu frá Danmörku, ætlum loksins að koma heim með bílinn, það er búið að standa til lengi, en hann mátti vera hér í 6 mánuði en er búinn að vera í 4 ár. Við förum svo þaðan 12 maí og verðum komin heim 16. maí. Svo veislan hans Dúdda verður bara á ferðalagi um Evrópu eða bara í Randes hjá Sissu og Óla Páli.
Eigið góða daga á Þorra.
]]> Fri, 20 Jan 2012 16:39:00 +0000 http://www.gusti.is/silakot/blogg/Bondadagur http://www.gusti.is/silakot/blogg/Bondadagur#comments <![CDATA[11. janúar 2012]]> http://www.gusti.is/silakot/blogg/11_januar_2012
Í síðasta bloggi sagði ég frá öllu brokkolíinu sem við fengum þá af heilum akri og sem nú er búið að riðja burtu. Nú höfum við fullan akur af kartöflum sem við meigum ganga í og er Dúddi búinn að fara og tína tvo fulla poka bæði fyrir okkur og vini okkar hér nálægt. Ótrúlegt að svona skuli vera farið með matinn en enginn vill kaupa þetta á góðu verði og þá bara rutt burt.
Nú er Dúddi búinn að klára vinnuna í gamla húsinu og gekk það allt vel. Við vorum þar fram á sunnudag. Fórum í íslenska jólamessu sem haldin var í norsku kirkjunni á þrettándanum og kom presturinn frá Íslandi til að messa. Þetta var hátíðleg stund með mörgum landanum. Dúddi fór í kórinn ásamt Unnsteini og fleirum og gekk þetta voða vel hjá þeim öllum og tókst söngurinn vel. Við fórum með Unnsteini og Rut til kirkju og fengum svo voða fínar vöfflur og smákökur á eftir og að sjálfsögðu kaffi og te.
Á eftir buðu þau hjónin okkur í kvöldmat og vorum við þar fram eftir kvöldi og áttum góða kvöldstund með þeim. Takk fyrir góðu vinir.
Daginn eftir fórum við svo að skoða útsölur í Elche og var ansi margt fólk í mollinu það var varla hægt að þverfóta og biðraðir við kassana ótrúlega langar. Það var nú ekki mikið keypt en við skoðuðum. Hávaðinn var svo mikill fyrir okkur Íslendinga sem eigum ekki að venjast öllu þessu fólki og hávaðanum að við fórum bara fljótt heim aftur. Helga og Gummi voru með okkur og var ákveðið þar sem allir voru oðnir svangir að fara út að borða um kvöldið sem var gert og fundum við skemmtilegan Ítalskan veitingastað með góðum mat og íslenskri þjónustustúlku sem var nú ansi mikil tilbreyting. Á eftir kíktum við á bar þar sem unglingahljómsveit var að spila og þar eins og annarsstaðar hér á Spáni var hávaðinn gífurlegur svo það var stoppað stutt þar.
Á sunnudag fórum við svo hingað heim aftur. Ég þarf að stunda skólann og í síðasta tíma var ég bara með einkakennslu þar sem enginn mætti í skólann af þeim sem eiga að vera í sama tíma og ég. Og nú er búið að breyta tímanum nú fer ég á miðvikudögum, vonandi ekki í margra manna hóp þetta hefur verið svo fínt, að ég hef næstum verið í einkatímum í vetur. Hún er svo skemmtileg kennarinn minn. Hana langar til að koma til Íslands, hún var að spurja hvort það vantaði ekki spænskukennara á Íslandi, hún er búinn að fara til Englands að læra ensku og talar hana mjög vel.
Nú er verið að baka Dísudraum sem á að vera eftirréttur á laugardag í veislu sem við förum í hjá Helgu og Gumma.
Var að fá góða uppskrift af brokkolísúpu sem ég ætla að elda á eftir hlakka til að smakka hana.
Eigið góða daga í snjónum á landinu kalda.
]]> Wed, 11 Jan 2012 14:36:00 +0000 http://www.gusti.is/silakot/blogg/11_januar_2012 http://www.gusti.is/silakot/blogg/11_januar_2012#comments <![CDATA[2012]]> http://www.gusti.is/silakot/blogg/2012
Gamla árið kvöddum við með góðum gestum Önnu Þóru og Magna en þau voru á heimleið frá Garrucha til Íslands og ætla að taka einn mánuð í það, fyrsti viðkomustaður þeirra var hér hjá okkur. Við náðum í þau til Orihuela á föstudagskvöldið. Á laugardagsmorgun fórum við svo á markað í Almoradí og ráfuðum þar um og við Anna Keyptum okkur skó fyrir kvöldið stóðumst það ekki að fá fína skó fyrir 5 evrur, hún svarta en ég rauða svaka flotta með háum hæl og vitið, ég gat verið í þeim í 4 tíma alveg heimsmet held ég hjá mér, ég fílaði mig eins og Victoria Beckham hlaupandi á háum hælum.
Það var ákveðið að hafa fisk í matinn á gamlárskvöld og er það mjög fátítt hjá mér allavega, en við vorum með graflax sem Anna útbjó og svo vorum við með skelfiskréttinn minn og ostaköku í eftirrétt.
Þetta var alveg yndislegt kvöld horfðum á skaupin bæði íslenska og þetta spænska og var gaman að því. Við þurftum ekkert að skilja því þetta var allt svo leikrænt að það þurfti bara að horfa og þá var skellihlegið alveg drepfyndið þetta spænska, er ekki dómbær á þetta íslenska þar sem maður er lítið inn í málum þar.
Á nýársdag fórum við til Alicante að sækja bíl fyrir Magna og Önnu og svo fórum við í nýjársboð til Hörpu og Vishnu og þar voru allir ættingjarnir hér á Spáni og var mikið fjör og gaman og góður matur eins og alltaf hjá þeim hjónum. Anna og Magni fóru svo snemma næsta morgun til Barcelona og þaðan til Ítalíu og þar verða þau í 10 daga.
Hér er sól og gott veður alla daga og miklu betra en í fyrra, það er hlýrra á nóttunni og það þarf ekki að kynda húsið eins mikið og þá. Núna höfum við rétt við bæjardyrnar hjá okkur heilan stóran akur fullan af brokkoli sem við megum ganga í eins og við viljum. Bóndinn fær svo lítið fyrir að selja það að það verður bara rutt burtu, alveg svakalegt að sjá þetta. Manni verður bara hugsað til allra þeirra sem ekki eiga neitt að borða og þurfa að fá í sig eitthvað af vítamíni sem er í þessu fína brokkoli. Vildi óska að ég gæti sent ykkur eitthvað af þessu. Nú borða ég þetta í hvert mál. Brytja niður brokkoliið set í skál og svo í örbylgjuofnin í svona 3-4 mín. og þá er það mjúkt og fínt. Fermín kom og sagði okkur frá þessu, ég held að bóndinn fái 10 centimos fyrir kílóið sem er bara ekki neitt. En þetta skeður líka með sítrónur og margt annað sem er offramboð af.
Dúddi var svo að hjálpa Fermín að saga niður tvö stór tré eða kollinn af þeim þau vaxa svo mikið yfir sumarið og veita skugga fyrir sólinni, síðan nota þeir greinarnar af þeim til að hita grillið, allt notað hér.
Nú erum við að fara í gamla húsið í nokkra daga að klára það sem eftir var þar, ætlum í Íslenska messu á föstudaginn og klára jólin.
Eigið góða daga.]]> Wed, 04 Jan 2012 10:25:00 +0000 http://www.gusti.is/silakot/blogg/2012 http://www.gusti.is/silakot/blogg/2012#comments <![CDATA[Gleðilegt nýtt ár]]> http://www.gusti.is/silakot/blogg/Gledilegt_nytt_ar

Gleðilegt nýtt ár

og farsælt komandi ár

Takk fyrir gamla árið

Feliz anos nueve

Jólin hafa gengið áfallalaust fyrir sig hér hjá okkur fyrir utan mikið át af góðum mat. Á aðfangadag vorum við hjá Palla og Öddu ásamt ættingjum mínum og góðum vinum. Helga og Gummi voru svo heppinn að þau fengu Þóru dóttir sína og fjölskyldu óvænt hingað út sem var auðvitað voða gaman hjá þeim. Óðinn sonur þeirra var komin aðeins á undan og svo kom Klara dóttir Þóru hingað frá Barcelona þar sem hún er aupair. Harpa og Vishnu voru með okkur líka svo þetta voru um 13 manns. Pakkaflóðið var mikið og hafði Fríða Dröfn mikið að gera við að lesa á pakkana hún er 7 ára og fannst stundum erfitt að lesa skriftina.
Í mat fengum við hamborgarhrygg frá Íslandi, kalkún frá Spáni og íslenskan ananasfrómas í eftirrétt þennan sem ég hef haft öll mín jól. Þetta var allt voðalega gott og vel eldað alveg dásemd.
Við girstum svo hjá Palla og Öddu um nóttina og eftir morgunmat fórum við Dúddi niður á strönd og fengum okkur góðan göngutúr í sólinni. Það var fullt af fólki á ströndinni aðallega bretar sem voru þar með rauðar jólahúfur, þar var líka lúðrasveit að spila jólalögin og fólk söng með. Þeir voru að grilla og drekka kampavín með mikið fjör hjá bretum á jóladag.
Við gengum allaleið frá La Zena ströndinni til Cabo roig þetta tók okkur nærri 1 og 1/2 tíma við fórum svo til baka eftir 332 til að sækja bílinn.
Þá var farið heimt ilað skifta um föt og hafa sig til fyrir jólamatinn hjá Helgu og Gumma í nýja húsinu sem þau eru núna flutt í.
Þetta var sama fólkið en maturinn var aspassúpa a la Helga og hangikjöt með hveitikökum sem Þóra bakaði á Íslandi áður en hún kom. Þetta voru yndislegir dagar hjá okkur við fórum svo alveg pakksödd heim til að taka upp bakkana sem bbbbbiðu hér heima eftir okkur.
Takk fyrir jólagjafirnar elskurnar okkar nú höfum við nóg að lesa í vetur fullt af bókum.
Síðustu dagar hafa að mestu farið í leti en aðeins farið í göngutúr og bíltúr og slappa af eftir allt átið.
Jólin hér eru alveg yndisleg ekkert stress hvorki fyrir eða eftir allt bara í góðum gír.
Fermín er búinn að vera að dæla í okkur mandarínum og helling af kartöflum allavega í laginu og svo fengum við flotta ætiþirsla í gær. Fjölskyldan hefur verið hérna hjá honum öll jólin meira og minna sem er gott að vita hann er þá ekki einn. Hann er svo ljúfur kall og góður.
Nú á eftir erum við að fara til Orihuela að sækja Önnu Þóru og Magna en þau eru að koma frá Garrhuca og ærla að vera hérna hjá okkur fram á 2 .jan. Hvað við gerum á gamlárskvöld er bara alveg óráðið það kemur bara í ljós í kvöld eða á morgun. Ekkert stress alltaf hægt að fara og kaupa í matinn allar búðir opnar til kl. 6 á morgun.
Eigið gott og fallegt gamlárskvöld og passið ykkur á flugeldunum.
Og takk fyrir öll innlitin á gamla árinu þau eru bara ansi mörg.]]> Fri, 30 Dec 2011 16:09:00 +0000 http://www.gusti.is/silakot/blogg/Gledilegt_nytt_ar http://www.gusti.is/silakot/blogg/Gledilegt_nytt_ar#comments <![CDATA[Gleðileg jól]]> http://www.gusti.is/silakot/blogg/Gledileg_jol Gleðileg jól

Feliz navidad

Kæru ættingjar og vinir og þið sem kíkið á þessa síðu Gleðileg jól og farsælt komandi ár. Megi það vera ykkur friðsælt og gott og njótið að vera saman og verið góð við hvort annað.

Hér var hörkufjör í gær þegar 16 manns komu hingað í sveitina til okkar í skötuveislu, en Magni bróðir minn sá til þess að við fengjum skötu frá Lionsmönnum á Ísafirði og var hún mjög góð vel kæst og alveg yndisleg lykt sem angaði um húsið og næsta nágrenni. Dúddi sýndi nú Fermín skötuna og fannst honum lyktin ekkert slæm en hann vildi ekki smakka. Allir borðuðu vel og það var líka plokkfiskur fyrir þá sem ekki vildu skötu, og nýbakað rúgbrauð sem var bara alveg þrælgott þótt ég segi sjálf frá. Það voru svo smákökur, súkkulaðikaka og kaffi á eftir. Það var líka að sjálfsöðu bennivínsstaup með.
Ég var svo áðan að gera ananasfrómasinn sem verður eftirréttur í kvöld og meðan ég var að skera ananasinn skein sólin hér inn um eldhúsgluggan, maður er bara strax farinn að finna að hún er farin að hækka á lofti þó ekki sé nema hænufet á dag.
Í kvöld verðum við svo með fjölskyldu Helgu frænku og Gumma, Palla bróðir hennar og Hörpu og Vishnu við verðum þá þrettán svo okkur leiðist ekki. Það er yndislegt að eiga svona góða ættingja að í útlandinu sem bjóða okkur að vera með sér á þessum tíma þegar enginn vill vera einn, kærar þakkir kæra frænka að taka okkur með.
Við verðum svo áfram með þeim á morgun líka í mat hjá Helgu þá fáum við hangikjöt og meðlæti, en í kvöld verðum við heima hjá Palla.
Þetta verða bara friðsæl jól hér hjá okkur og vonandi hjá ykkur líka
Eigið góða daga og Guð veri með ykkur.]]> Sat, 24 Dec 2011 11:14:00 +0000 http://www.gusti.is/silakot/blogg/Gledileg_jol http://www.gusti.is/silakot/blogg/Gledileg_jol#comments <![CDATA[Jólin nálgast]]> http://www.gusti.is/silakot/blogg/Jolin_nalgast Við vorum duglega að nota tímann líka til að fara á hitting og hitta annað fólk og kynnast nýju og að sjálfsögðu spila minigolf en okkur fer bara vel fram í þeirri iþrótt enda mjög gaman að reyna að keppa við þau bestu.
Veðrið hefur bara verið fínt í desember hlýtt og sól, miklu betra en í fyrra. ÞAð er aðeins kalt í dag en á að hlýna aftur á morgun segja veðurfræðingar ef þeir eru ekki að ljúga hér eins og heima. Ég sat úti í garði á fimmtudaginn og prjónaði og heyrði þá svo fallegan fuglasöng að hann minnti mig bara á vorið heima á Íslandi en það er víst langt í það held ég.
Hér var öll stórfjölskyldan hans Fermíns í gær og mikið fjör. Litlu strákarnir eru alveg hættir að vera feimnir við okkur, þeir eru komnir hingað inn í eldhús áður en við vitum af og jafnvel farnir að betla nammi, það er nú ekki mikið spennandi til hér á þessum bæ allt íslenska nammið búið.
Fermín var að koma með fulla fötu af appelsínum svo nú er nóg til hér og Dúddi fór með honum til að skera hvítlauk svo það verður nóg til af honum líka, hann er svo góður þessi sem eru eins og vorlaukur í laginu svo sætur og mildur. Síðast fengum við fullt af sætum kartöflum.
Það er ansi gaman í skólanum núna hjá Sylviu, hún lét okkur hafa viðlagið við lag sem var vinsælt hérna fyrir nokkrum árum og svo áttum við að finna þetta á youtube og skrifa niður orðin sem við þekktum og náðum í textanum, svo nú er ég búinn að hlusta á þetta lag mörgum sinnm, það eru nú mörg orð sem ég næ og einnig líka mörg orð sem ég næ en veit ekkert hvað þau þýða en Lagið heitir Una rosa es una rosa og hljómsveitin Mecano ef ykkur langar til að heyra lagið, það er alveg ekta spænskt lag og fallegt líka.
Það eru bara gamlar myndir sem fylgja þessu bloggi því það hafa bara verið teknar myndir af eldhúsinu frá því að ég skrifaði síðast enda lítið annað verið að gera en klára þetta verkefni. Myndirnar sem fylgja eru teknar í golfferðinni okkar í október.
Í kvöld erum við svo að fara að keyra Unnstein og Rut út á völl en þau ætla að vera heima um jólin en koma aftur þann 4 jan. þá förum við að sækja þau aftur á völlinn.
Og í kvöld kemur skatan mikið hlakkar mig til, skrifa þegar skötuveislan er búin á Þorlák.
Guð veri með ykkur og eigið góða daga til jóla.]]> Mon, 19 Dec 2011 10:42:00 +0000 http://www.gusti.is/silakot/blogg/Jolin_nalgast http://www.gusti.is/silakot/blogg/Jolin_nalgast#comments <![CDATA[Aldrei heima]]> http://www.gusti.is/silakot/blogg/Aldrei_heima En málið er að Dúddi tók að sér að laga til í eldhúsinu í Gamla húsinu sem við köllum, svo við fluttum bara þangað með nokkrar fatapjötlur og erum þar í vinnubúðum og kunnum bara ágætlega við það, hann smíðar og lagar og ég sit og prjóna vettlinga á börnin.
Við fórum á síðasta laugardag út að borða með Helgu og Gumma til Torrevieja á spænskan stað og borðuðum svolítið skrítin mat og svo var dansað á eftir í miklu stuðu með fullt af ungum spánverjum, en Helga og Gummi áttu brúðskaupsafmæli stórt. Þetta var mikið fjör.
Á þriðjudag fórum við svo með Lárusi og Aðalbjörgu til Mar Menor en þar á hann skútu sem þurfti að ausa og fékk hann Dúdda til að koma með sér og tók það þá tvo tíma að verka skútuna, á meðan fórum við Aðalbjörg á kaffihús og fengum okkur kaffi og snúð. Sátum svo og lásum og saumuðum út á meðan við biðum eftir srákunum. Það var nú sniðugt að sjá þá fara á pínulítlum gúmmíbát með litlum rafmagnsmótor sem gæti alveg verið eins og stór hrærivél.
Þetta er mjög fallegur bær La Logan heitir hann, falleg stönd og fullt af allavega bátum og skútum eða hvað allt þetta heitir sem flýtur á sjónum.
Svo fórum við annan dag til Hörpu og Vishnu til að kíka á bílinn þeirra og í dag fórum við í minigolf í Quesada og svo hingað heim og aftur til baka á eftir. Dúddi vinnur sko bara hálfan daginn segir hann, þannig að hann er vaknaður snemma á morgana til að geta flakkað seinnipartinn. En nú verðum við að fara að flýta okkur að klára þetta því jólin bíða ekkert eftir okkur og það á margt eftir að gera áður en þau koma. Jólalegt er nú ekki fyrir Íslending að vestan 20 stiga hiti á daginn og sól og bara yndislegt.
Nú er Dúddi búinn að steikja fisk og er ég voða spennt að smakka, því þetta er í fyrsta skipti í okkar búskap sem hann steikir fisk, eða eldar yfirhöfuð.
Eigið góða aðventudaga áfram og Guð veri með ykkur.]]> Thu, 08 Dec 2011 17:01:00 +0000 http://www.gusti.is/silakot/blogg/Aldrei_heima http://www.gusti.is/silakot/blogg/Aldrei_heima#comments <![CDATA[Sunnudagsmorgun]]> http://www.gusti.is/silakot/blogg/Sunnudagsmorgun Nú er hann að gera við smá leka sem kom í ljós í þessum rigningarham, það voru svo mikil læti eina nóttina í þrumum og eldingum að Fermín sagði við okkur næsta dag að það hefði verið Fiesta um nóttina það var varla hægt að sofa.
En sem sagt Helga og Lilli eru farin heim og hefur verið ansi tómlegt hérna síðan maður svona vingsast um og kemur sér ekki að neinu lífið á eftir að falla aftur í sínar föstu skorður. Það var svo gaman að hafa þau þennan tíma aldrei leiðinleg stund alltaf eitthvað verið að gera, þvælast í búðir, markaði og skoða hitt og þetta. Villast aðeins á einhverri leiðinni, fá sér gott að borða sem við Helga erum nú duglegar við, sérstaklega að elda. Það var bara tvisvar farið út að borða. Við fórum á litla barinn hérna í Mudamiento og fengum okkur Tapas þar hjá hjónunum og var hann voða góður og ódýr. Það var skemmtilegt kvöld.
Nú er bara spurningin á ég að nenna að baka eitthvað fyrir jólin? hver á að borða það? eða á ég bara að fara í Ikea eins og fyrir hin jólin og kaupa mér sænskar, þær eru voða góðar og í svo fínum boxum sem gott er að baka rúgbrauð í, þetta er spurning sem ég verð líklega að svara mér bráðum. En í dag ætla ég að baka nokkrar pönnukökur fyrir okkur, ef ég á rjóma að segja.
Dúddi hefur eignast nýjan áhangenda sem heitir Adolfo og barnabarn Fermíns þeir voru í miklum flugvéla og bátasmíðum einn daginn og var mikið gaman að allar flugvélarnar enduðu uppá þaki, svo hann varð að koma uppá þak hjá okkur til að sjá hvar þær voru.
Fermín hefur það fínt hann fer út að veiða á hverju kvöldi og kemur heim með einn til tvo ála í hvert skipti. Og svo kemur hann með kál og appelsínur alltaf öðru hvoru þessi elska.
Eigið góða aðventudaga

]]> Sun, 27 Nov 2011 10:05:00 +0000 http://www.gusti.is/silakot/blogg/Sunnudagsmorgun http://www.gusti.is/silakot/blogg/Sunnudagsmorgun#comments <![CDATA[Golfferð til Mojacar]]> http://www.gusti.is/silakot/blogg/Golfferd_til_Mojacar Eftir að vera búinn að skrá sig á Hotel Best Oasis Tropical sem er 4 stjörnu hótel var ákveðið að fara að skoða gamla bæinn sem er byggður uppá fjalli, ótrúlega gamall og sjarmerandi bær. Við byrjuðum auðvitað á að skoða markaðinn sem var voða lítill og sætur svo gengum við uppá topp í bænum og fengum okkur snarl að borða. Veðrið lék við okkur sól og logn og alveg yndislegt.
Við fórum svo heim a hótel og slöppuðum af fyrir kvöldið. Það var svo farið að borða kvöldmat og svo var farið á barinn og dansað og spjallað. Náttúrulega farið snemma að sofa eins og í öllum golfferðum að mér skilst þegar golf er daginn eftir.
Strákarnir vöknuðu snemma til að borða og vera mættir á réttum tíma en við kellurnar mættum bara seint í morgunmat og fórum svo í göngutúr til Garrucha sem er næsti bær við, en það ákváðum við að hitta Önnu og Magna sem búa þar um þessar mundir. Þau fóru með okkur um bæinn til að skoða okkur um, en við 4 vorum búinn að ákveða að gista hjá þeim eina nótt áður en við færum heima aftur. Það var rápað um bæinn og ég keypti mér voða flottan kjól alveg óvart það var svo flott búð þarna.
Um kvöldið fórum við svo á aðalfund golfklúbbsins sem gestir að sjálfsöðgu. Lilli fékk verðlaun fyrir besta skor án forgjafar þessa líka fínu rauðvínsflösku sem stoppaði stutt og Lindor konfekt sem hann gaf mér og verður geymt til jóla.
Matur, dans og allur pakkinn voðalega gaman.
Það er ekkert vitlaust að fara í svona golfferðalag ef maður er ekkert að spila, maður hittir fyrir skemmtilegt og fjörugt fólk.
Daginn eftir fórum við svo til Önnu og Magna í Garrucha. Við fórum á markaðinn þar og keyptum okkur mat fyrir kvöldið fórum í göngutúr um höfnina og um bæinn fórum alla leið til Vera. Hjá þeim gistum við svo eina nótt. Takk fyrir skemmtilegt heimboð Anna og Magni.
Við keyrðum svo ströndina heim og stopuðm aðeins í bæ sem heitir Águilas, þetta ferðalag tók um 6 tíma allaleið heim.
Við vorum nú ansi þreyttar við Helga að sitja svona langa leið afturí bílnum, en því miður hefur þeim sið verið komið hér á, á Spáni að þegar gestir koma þá sitja konurnar afturí, nema þegar konur keyra þá sitja þær frammí, ég keyri bara svo sárasjaldan.
Alltaf nóg um að vera hér hjá okkur drífum okkur hingað og þangað það er ekki mikið sólbaðsveður núna þessa dagana en sól og 20 stiga hiti.
Nú pára ég þessar línur og Helga er að útbúa flottan kjúklingarétt með miklu grænmeti og fíneríi.
Anna Lóa systir til hamingju með daginn í dag, nú er bara ár eftir.
Eigið góða daga.

Það eru komnar tvær nýjar uppskriftir á síðuna]]> Tue, 15 Nov 2011 17:57:00 +0000 http://www.gusti.is/silakot/blogg/Golfferd_til_Mojacar http://www.gusti.is/silakot/blogg/Golfferd_til_Mojacar#comments