Þórdís og Dúddi - Sólarmegin í lífinu

Bjarney Kata

Sverrir Úlfur og Aron Viðar

Afi og Hektor Hermann

Fara út að hjóla með afa mamma að hjálpa til

Hildur Hera 3 mánaða

Dedda, Hildur Hera, Helena og Dúddi

Fermingarbörnin Arnór og Rafn Ingi

Trukkurinn sem Dúddi ekur

Saga Líf

« 1 af 9 »

Það var skrítið að lenda um miðja nótt í Keflavík eftir 8 mánaða fjarveru frá rigningunni á Íslandi, Það ringdi fyrstu dagana okkar hér á landi, sem var mikil tilbreyting frá sólinni á Spáni.

Það var æðislegt að hitta aftur alla, tala nú ekki um barnabörnin og sjá hvað þau hafa stækkað, og gaman að sjá að þau mundu eftir gamla parinu sem kvaddi þau í september. Það var mikið um veislur, fyrst var verið að skíra litla prinsessu sem Helena og Harry eignuðust í febrúar og við höfðum ekki séð en hún fékk nafnið Hildur Hera, Hildur eftir móðurömmu sinni, og Hera ,fallegt nafn. Hún er því af þessari frægu HHHætt. Þar sem öll nöfnin byrja á H og föðurnafnið líka. Hún var skírð heima, mjög falleg athöfn þar sem byrjað var á að syngja afmælissönginn fyrir afa hennar hann Dúdda. En þetta var 10 maí á afmælidaginn hans.

Þá var farið í kirkju í Hafnarfirði á hvítasunnud. þar sem 2 frændur Dúdda voru fermdir Arnór Smári sonur Gurrýar og Rafn Ingi sonur Deddu, en þær eru báðar systur Dúdda. Síðan var farið í veislu til Hveragerðis og borðaður dýrindismatur. Í leiðinni fórum við til Úllu vinkonu. Hún hafði sent okkur bók út til Spánar en heimilisfangið var eitthvað vitlaust hún fékk hana því endursenda svo við komum bara við og sóttum pakkann til hennar. Takk fyrir Úlla.

Og mitt í öllu þessum veisluhöldum og heimsóknum keypti Dúddi bíl fyrir mig til að hafa í sumar. Fékk hann á mjög góðu verði, hjá mjög góðum vini. það þurfti aðeins að gera við hann svona ýmislegt en fín Toyota Avensis 98 módel og hún fékk fulla skoðun í dag.

Við fórum svo keyrandi til Ísafjarðar á þriðjudegi og gekk allt vel og ljómandi veður alla leið heim. Við erum bæði komin í vinnu, Dúddi að keyra stóran nýjan bíl hjá KNH en ég í Legg og Skel sem er barnafatabúð, nokkra tíma á dag.

En viðbriðgin að vera komin heim er aðallega að fara út í búð að versla. Einn daginn í Reykjavík fór ég að versla smávegis í Hagkaup grænmeti,ost, mjólk, banana og þegar konan sagði hvað ég ætti að borga og ég stóð þarna sæl með tvöþúsund krónur en nei, þetta kostaði þrjúþúsund og fimmhundruð krónur það leið næstum yfir mig og ég sagði bara úppps og aumingja konan leit bara á mig. Úti á Spáni hefði þessi peningur dugað okkur fyrir mat í heila viku.

Ísafjörður stendur nú alveg fyrir sínu alltaf jafn fallegur og fjöllin yndisleg, tala nú ekki um þegar sólin skín svona öðru hvoru eins og í dag og 13 stiga hiti úti.

Ætla að fara í sumarbústaðinn á morgun og eiga þar góða daga.

Litlir ungar í hreiðri

Súpuveisla

Flottur kaktus í blóma

Sá sami

« 1 af 4 »

Hitinn í dag er 26 stig lítil sól og smá vindur.

Þetta er nú skrýtin dagur. Verið að pakka á fullu, skrúra, skrúbba og bóna svo allt verði fínt þegar maður snýr til baka. Þessi tími hér hefur verið ótrúlega fljótur að líða, enda hefur okkur liðið mjög vel hér á þessum stað og eigum við örugglega eftir að sakna hans í sumar, sérstaklega góða veðursins. Nú spáir hann rigningu á fimmtudaginn og þá erum við farin.

Við fórum á mánudaginn til Unnsteins og Rutar til að kveðja og við höfðum með okkur humarsoð og elduðum hjá þeim þessa líka fínu súpu með nokkrum tegundum af fiski. Það var voða gaman að hitta þau eins og alltaf.

Núna erum við með bílinn hans Jóns og Elínar, sem þau lánuðu okkur til að komast út á flugvöll. Þau eru á ferðalagi með mörgum öðrum Íslendingum og koma í dag, þá hittum við þau í La Marina og þau keyra okkur út á völl. Alveg einstaklega elskulegt af þeim að leggja þetta á sig eftir rútuferð allan daginn.

Við erum að fara núna, bara eftir að slökkva á tölvunni og loka húsinu.

Billinn okkar er komin inní BÍLSKÚR, við erum eiginlega orðlaus yfir svona góðsemi sem við fáum frá þessum ynsilegu hjónum. Þegar Dúddi kom með lyklana til Fermín og kenndi honum á bílinn, þá fór hann með lyklana til húsfreyjunnar og hún kom út og sagði að bíllinn færi inn í bílskúr. Þau fóru bara og týndu fullt af dóti út úr skúrnum og komu því fyrir bæði hér úti hjá okkur og í nýja húsinu hjá sér og bíllinn inn, við vorum eiginlega klökk yfir þessu öllu. Svo fórum við með smá dót úr ísskápnum og þá fengum við 4 appelsínur í nesti, ótrúlega gott fólk. Og svo ætla þau að passa allt í sumar.

Litlu ungarnir eru enn í hreiðrinu sínu og dafna vel.

Við gistum hjá Helenu yfir helgina og förum síðan vestur á Ísafjörð. Ég er nú ekkert hætt að blogga ,ævintýrinu er ekki lokið ennþá þið fáið meira að heyra síðar.

Það verður svo kveikt á ísl. gemsanum um leið og við lendum.

Heyrumst og sjáumst á góðum degi.

Elín, ég og Jón á sýningunni í Santa Pola

Ein uglan

Gammurinn

Verið að byrja á bílastæðinu

Flott stæði og ávaxtatréð sem á að kasta burt

Húsbóndinni að horfa á vestrann í tv. sem er kl. 18:00

John Whyne uppáhaldið ef sést

Verið að sýna gömul amboð á torginu í Almoradí

Verið að búa til kross

Og hér er verið að kveikja í þeim

« 1 af 10 »

Nú er ekki langt í heimkomu. Við höfum nú verið aðeins á ferðinni undanfarið, fórum til Santa Pola til að hitta Elín Þóru og Jón á fimmtudaginn. Okkur var boðið upp á fínan fiskrétt úr íslenskum fiski sem var alveg svakalega góður. Svo röltum við um bæinn en það var nú 1. maí og ferðahelgi á Spáni enda var margt fólk bæði á ströndinni og eins bara á labbinu eins og við. Á torginu er kastali og inni garðinum var handverksýning og básar þar sem voru til mjög fallegir munir. Einnig var þar fulgasýning allt mjög stórir fulgar, uglur, gammar, fálkar aðallega, ansi tignarlegir og bundnir fastir við staur greyin. Þetta var mjög gaman, en hér útum allt í bæjum eru allavega Fiestur, Feriur og skemmtanir af öllu tæi, enda elska spánverjar fiestur, siestur, og manjana.

Á markaðnum hér í Almoradí í gær var verið að búa til krossa ú blómum sem fólk setur á húsin sín og hefur í eitt ár, þeir eiga að veita vernd gegn illum öndum. Þetta mun vera um 200 ára gamall siður . Gömlu krossarnir  eru síðan brenndir á torginu, eins og sést á myndunum sem ég set með. Við höfum séð þessa krossa, og héldum að einhver hefði dáið í húsinu, en nú vitum við aðeins betur af hverju þetta er, en þeir eru mjög fallegir margir hverjir.

Á sl. föstudag var ég svaka dugleg og tók til í beðinu hérna á móti en við höfðum hugsað okkur að geyma bílinn þar. Ég spjallaði fyrst við Fermín bónda um hvernig ég ætti að klippa steinseljuna er hún er orðin svo stór að mér fannst, nei,nei ekki klippa þetta eru fræ, sagði hann. Þá spurði ég hann hvort ekki væri í lagi að geyma bílinn þarna og færa rósina, sí, sí limpio, limpio, sagði hann og þá meinti hann að ég ætti bara að hreinsa allt í burtu og sýndi mér hvað við ættum að fara langt.

Svo ég kallaði í Dúdda til að koma í framkvæmdir og allt var rifið burt og komið þetta fína stæði. Þá kemur Carmen húsfreyja og fer að tala við okkur og við að reyna að tala við hana og segja henni að við ætlum að hafa bílinn þarna næstu 5 mánuði á meðan við verðum heima á Íslandi. Nei,Nei, það er ekki hægt það á að rífa öll blómin niður og leggja ganstétt alveg út á veg og verður líklega byrjað á mánudag. Það verður sko flott hérna hjá okkur ef af því verður, en að vera búinn að færa rósina alla steinana og þrífa fjandans beðið sem á svo að rífa, ussss, enda segir bakið að ég átti að láta þetta vera. En OK fá gangstétt er nú svo flott og þið sem hafið komið vitið hvað ég er að tala um. Svo nú erum við eiginlega í bölv. vandræðum með bílinn, hann verður líkllega bara að standa hérna í götunni í sumar, það er ansi dýrt að geyma hann á flugvellinum svona lengi, en þau fá bara lykilinn og geta svo fært hann til, ja ef þau kunna á bíl því þau eru bara hjólandi eða á vespunni sinni.

Smávegis af hananum, hann er bara að verða eins góður og Placido ef hann verður duglegur að æfa sig í sumar því galið er allt að koma svo enginn svefnfriður er frá kl 4 -6. en maður sofnar bara aftur. Já, og svo er fjölgun í fjölskyldunni það eru komnir ungar í bakhúsið þeir eru þrír ég sá aððeins í kollin á þeim áðan þegar þeir voru að horfa yfir hreiðrið, það er alltaf verið að færa þeim mat.

Góður dagur með sól, fuglasöng og kvaki.

Dúddi, Kristrún, Elín , Högni og Jón

Litlu sætu tvíburarnir , með mömmu og fleiri senjórítum.

Strákarnir voru voða fínir í sínum fötum

Hestvagn með senjórítum

Ég að versla boli á markaðnum

Dúddi með hoppikastala í baksýn á torginu

Senjórítur að dansa Flamenco

Verið að byggja í Mudamiento, steypa grunna

Þessir að steypa gangstétt í Mudamiento

Flosi, Eygló, Þura og Örn og gelbíllinn

« 1 af 10 »

Það hefur allt gengið sin vanagang hér hjá okkur, á fimmtud. í síðustu viku fór Dúddi til Rafal að vesla á hjólinu þá var þar markaður í gangi svo hann keypti aðeins græmeti og hjólaði um Rafal. Þá rakst hann á svæði þar sem var verið að koma upp sviði, ljósum, sölubásum og fleiru, og hann spurði hvað um væri að vera og honum sagt að það væri Fiesta á föstud.kv. svo við fórum þangað um kl 21:00 og þar var þá að steyma fólk að. Þarna komu litlar sætar senjórítur í fínu kjólunum sínum og hælaháum skóm rétt 2 ára það var yndisllegt að sjá þær. Fyrsta fólkið sem við mættum voru hjón sem eiga litla tvíbura 2 ára sem koma hingað á hverjum sunnudegi til mömmu í mat, svo það var gaman að sjá framan í einhvern sem maður vissi hver var. En þarna heyrðum við ekki í neinum öðrum en spánverjum. Þetta kvöld var heilmikil hestasýning sýning flottir og flínkir hestar að dansa um svæðið. Svo fréttum við að þetta væri líka á laugardag og sunnudag. Við fórum á laugardagskv. kl 21:30 þá var ekkert byrjað en þá voru Flamencodansarar á öllum aldri alveg frá 2 ára bæði stelpur og strákar. Við nentum nú ekki að vera lengi og fórum heim um kl 23:00. Á sunnudag sátum við bara heima.

Það er svo öðruvísi hér en heima skemmtanir byrja aldrei fyrr en eftir kl 21:00 á kvöldin og þá mæta allir úr fjölsk. börn og táningar og fylgjast með, auðvitað táningar í hópum saman en þau mæta þó verið sé að dansa Flamenco. Hvergi sást vín á manni og við vorum líka edrú, hugsa sér. Þarna fær fólk sér að borða kvöldmatinn, sem er Tapas en hann er yfirleitt ekki borðaður fyrr en eftir kl 21:00 á kvöldin og þá er hægt að skemmta sér og haldið á fram á rauða nótt. Við tókum myndir en þær eru voða dökkar set þær bestu með.

Nú eru framkvæmdir í Mudamiento, verið að leggja gangstéttir og haldið áfram að byggja raðhúsin svo það fer að fjölga hér í kringum okkur. Dúddi er úti að hjóla og skoða framkvæmdir og taka myndir. Hann kom nú að vísu með eitt barnareiðhjól hér inn áðan sem einhver hefur kastað á haugana bara lítið að gera við segir hann, vantar hnakk og dekk.

Á föstudag í síðustu viku komu Elín Þór, Jón, Högni og Kristrún í kaffi en við fórum til La Marina til að hitta þau svo eltuþau  okkur hingað til að sjá húsið, og til að rata hingað næst.

Svo í dag komu Þura, Örn, Eygló og Flosi en við buðum þeim í súpu, það er altaf svo gaman að fá gesti, takk fyrir komuna í sveitina.

Góður dagur í sveitinni okkar.

Haninn í skrúðgöngunni á páskunum

Grillmeistarinn Sigurlaug

Að hjálpa Unnsteini eða þannig

Mæðgurnar Rut og Sigurlaug

Að klára harðangurdúkinn

Bláhiminn í Mudamiento

Dúddi að spila á munnhörpu fyrir gesti

Dúddi og Fermin bóndi

« 1 af 8 »

Hitinn hér í dag er 25 stig aðeins gola og ansi heitt. Og klukkan hérna núna er 6. Hér hefur varla komið dropi úr lofti í allan vetur og er allt að skrælna hér á ökrunum. Bændurnir fá lítið af vatni það er búið að skrúfa fyrir það. Skritið að hlusta eða sjá fréttirnar í sjónvarpinu um að spánverjar eru að rífast um vatnið því það er til nóg á norður Spáni en allt að skrælna hér á austurströndinni það hefur ekki ringt svo lítið síðan 1912. Það mætti nú eitthvað af íslensku rigningunni vera komið hingað til okkar því við þurfum að vökva blómin eða þannig.

Svo er það þetta með hanann í næsta húsi, stórmerkilegt fyrir fólk eins og okkur sem ekkert vitum um þá. Það voru tveir hér í byrjun desember, svo fór einn fyirir jól pg hinn fyrir páska. En það voru ungar eftir í búrunum nú eru þeir líklega 4 og einn kominn á táningaaldurinn og er að byrja að gala, fyrst þegar ég heyrði þetta hélt ég að það væri barnsgrátur kl. 7 að morgni en það eru bara enginn börn svona lítil hér. Svo hélt þetta áfram núna í fjóra morgna og hefur hækkað og er eins og urg en hann kemur til með galið held ég, verður líklega orðin stórsöngvari þegar við komum hingað aftur næsta haust. En líklega tengist þetta þeirra trú eitthvað. Ég heyri að það er hanaslagur núna og allt að vera vitlaust í litla búrinu þeirra.

Í síðustu viku var okkur boðið í mat til Unnsteins og Rutar og fengum þar íslenskt lambakjöt grillað nammmmmm gott, dóttir þeirra Sigurlaug kom með kjötið með sér og grillaði. Svo var ég að reyna að hjálpa Unnsteini með tölvuna sko ég að hjálpa öðrum með tölvu sem ekkert kann . Ég man varla hvernig svona pc virkar, en ég er auðvitað með Appeltölvu.

Svo komu þau hingað til okkar í gær og gengu ávaxtahringinn eins og við köllum þann göngutúr. Þá er gengið um sítrónu-, appelsínuakrana og einnig núna hveitiakra sem verða svo líklega brokkoliakrar þegar líður að vetri. Það er svo gaman að fylgjast með hvað kemur ipp næst.

Á föstudagskv. síðasta fórum við út að borða með Þuru, Erni og vinum þeirra á voða fínan stað hér í Almoradí sem heitir El Buey, góður matur og fínt vín með. Fórum svo á góðan bar á eftir, svo nú erum við aðeins fróðari um staði hér í nágrenninu, tókum allan pakkann og komum ekki heim fyrr en um 3, eins og sannir íslendingar þegar þeir fara á ferð í útlöndum.

Verð nú að segja frá þvi að ég er búinn að klára dúkinn sem ég byrjaði á heima á Ísafirði í ágúst í fyrra, þetta hef ég nú verið að dunda við í vetur, bara nokkuð fallegur.

Læt hér eina mynd með sem Arnaldur maður Línu Halldórs tók af Dúdda og Fermín bónda og nágranna.

Góður og fallegur dagur og borðuðum Calamaris í hádeginu í dag í Torrevieja.

GLEÐILEGT SUMAR og takk fyrir veturinn ættingjar, og aðrir sem hafa kíkt á þessa síðu.