Sólardagar
Síðasta laugardag fórum við út að borða á barnum hér í Mudamiento sem er svaka vinsæll matsölustaður alla daga í hádeginu eða milli 2 og 4 á daginn þegar spánverjar borða sína aðalmáltíð, þá standa þarna fyrir utan allir flottu bílarnir með flottu merkjunum þið vitið. Okkur hefur oft langað til að fara þangað að borða og fórum einu sinni með Kiddý og Gulla þegar þau voru hér en þá vissum við ekkert hvað við vorum að borða eða hvað þá heldur að panta. Þarna fer allt fram á spænsku og þú færð engan matseðil, þjónninn kemur og þylur upp hvað sé í matinn í kvöld hjá þeim, mamman er í eldhúsinu, pabbinn á barnum og strákurinn er þjónninn, þetta er voðalega heimilislegt og skemmtilegt andrúmsloft, kanattspyrna í sjónvarpinu allt kvöldið.
Við sem sagt fórum núna með eina spænskumælandi með okkur til að vita hvernig þetta gengi fyrir sig. (Helga frænka mín)
Tapas, það vissum við og þjónninn kom og sagði okkur hvaða rétti þau væru með í kvöld, Jú það var byrjað á þessu hefðbunda olívur, kartöfluflögur, og möndlur og svo kom brauð með hvítlaukssmjöri og tómötum,
þá kom túnfisksalat og sepia í grænni sósu, en sepia er kolkrabbi,
hann var grillaður alveg svakalega góður,
túnfiskur grillaður, sveppir í hvítlauk,
2 rauðvín og fullt af vatni og fyrir þetta borguðum við 38 evrur
vorum alveg pakksödd því þetta var allt svo gott og nóg af því.
Þessi staður er opinn alla daga en bara á laugardagskvöldum og er vel sóttur eins og ég sagði og þarna á ég örugglega eftir að borða aftur og þá getur verið allt annað á matseðlinum allavega man ég það var eitthvað annað sem við borðuðum þar síðast.
Skemmtilegt og gott kvöld með góðum vinum og auðvitað var skálað fyrir Ágúst nýkjörnum Búrlistamanni Ísafjarðar, eða bara bæjarlistamaður Ísafjarðar sem er skammarlegt að skuli vera búið að leggja niður, en vonandi vakna þessir herrar aftur og vita hvað listin gerir mikið fyrir bæjarfélagið.
Svo í gær fórum við í góðan göngutúr um Callosa nýja hverfið þar sem við höfum ekki séð áður og er með breiðum götum fullt af búðum og veitngastöðum við urðu bara hissa þegar við sáum þetta, höfum alltaf verið í gamla bænum. Og þarna fundum við líkamsræktarstöðina fyrir okkur, garður með græjum fyrir gamlingja passar okkur fínt við prófuðum þau allavega.
Svo í morgun hjóluðum við til Rafal á markað að kaupa grænmeti.
Eigið góða daga öll.
Helga, föstudagur 25 febrúar kl: 09:39
Þett er alveg frábært, stutt í góðan matsölustað,. Eins og Svana segir getum bara labbað heim.
Og ekki má gleyma æfingatækjunum í garðinum, en það er bara aðeins lengra að fara.
Gaman að þú skulir vera farin að mósaika aftur, gangi þér vel, hlakka til að sjá afraksturinn.
Já Gumma líkaði ekki maturinn miða við myndina af honum.
Love
Helga
Guðrún Hauksdóttir, föstudagur 25 febrúar kl: 14:18
Sæl Þórdís, ég heiti Guðrún Hauksdóttir og fór inn á síðuna þína eftir að hafa gúglað önd í appelsínusósu. Takk fyrir uppskriftina. En svo fór ég að lesa bloggið þitt, og það var skemmtilegt skrif. Þá sá ég að við eigum sitthvað sameiginlegt. Við hjónin eigum íbúð í Los Altos í Torrevieja, og þangað höfum við farið vor og haust undanfarin ár, og vonir standa til að vera meira þar, yfir vetrartímann eins og þið, svona þegar við hættum að vinna. Þess vegna finnst mér svo skemmtilegt að lesa bloggið þitt, og sjá og heyra hvernig er að hafa vetursetu á Spáni. Og svo sé ég að við eigum það sameiginlegt að hafa gaman af að prjóna. Við hjónin verðum þarna úti í þrjár vikur í vor, förum 23. apríl, og það er dásamlegt að hugsa til þess. Vona að þú haldir áfram þínum skemmtilegu skrifum, og leyfir mér að lesa bloggið þitt. Ef til vill hittumst við einhverntíma á Spáni og þá svíf ég á þig og heilsa þér, því auðvitað þekkir þú mig ekki. Bestu óskir um að þið hafið það gott og skemmtilegt á Spáni og njótið lífsins. Kveðjur Guðrún Hauksdóttir
Þórdís, mánudagur 28 febrúar kl: 18:39
Sæl Guðrún! Ef þú lítur við aftur og takk fyrir innlegg þitt á síðuna. Það er svo gaman að vita að fólki líki við það sem maður er að skrifa. Þetta er eiginlega svona dagbók og verður dýrmætt þegar maður verður orðin eldri. Þú ert þriðja manneskjan sem hefur kvittað fyrir og verið að leita að appelsínuönd, hún er voða góða þessi og er borðuð hér á jólunum. Endilega hafðu samband ef þú sérð mig hér á svæðinu. Og öllum er frjálst að skoða bloggið mitt. Ef þú vilt hafa samband er emailið silakot@gmail.com.
Svana, fimmtudagur 24 febrúar kl: 18:20
Svakalegur munur þegar sólin er farin að skína hjá ykkur, allt verður miklu fallegra. Hlakka til aðfara á hverfiskrána næst þegar ég kem, munur að geta gengið heim. Bestu kveðjur og til hamingju með listamanninn.