Góðir vinir í heimsókn
Það er búið að fara í heimsóknir og fá gesti. Byrjuðum strax kvöldið eftir að þau mættu, að fara í heimboð til Eyrúnar og Guðfinns, fyrr um daginn hafði verið farið í minigolf en enginn var vinningurinn. Það er búið að þræða flesta markaði hér í kring og erum nýbúin að finna flottan markað hér í Callosa, stutt frá. Við fórum og löbbuðum um Torrevieja og strákarnir fóru og löguðu hliðið við Gamla húsið eins og það er kallað hér en það er húsið sem er í eigu margra þar á meðal Helgu og Lilla. Það var líka haldin smá dansleikur hérna sem tókst bara vel með 6 manns, voða gaman.
Við erum búin að vera dugleg að fara út að labba og liggja í sólbaði, því veðrið hefur verið alveg til friðs. Sól og um 20- 25 stig á hverjum degi með smá rigingu inná meðal, en þau fóru allavega brún heim.
Dúddi er nú í annari ferðinni á völlinn í dag, Lilli fór um 5 leytið í morgun og Helga núna svo það er nóg að gera. Hann kemur til baka með næstu gesti sem eru Óli Reynir og Badda og ætla þau að vera hér í viku. Það koma sem sagt allir í einu, en það hafa engir gestir verið hjá okkur síðan í haust þegar við komum, þetta er voða gaman. Þau fara aftur 5. maí og þá förum við að pakka saman til að fara heim.
Hér er allt við það sama Fermín gaf okkur kanínu á fæti um daginn og Dúddi þurfti að gera að henni hún bíður suðu í frysti og verður borðuð við tækifæri.
Þarf að halda áfram að undirbúa fyrir næstu gesti. Það er ansi heitt núna komin 26 stig.
Eigið góða daga.
gurrý, laugardagur 30 apríl kl: 15:04
bíddu bíddu....á fæti???? er það ekki lifandi kanína?
þurftir ÞÚ þá að aflífa hana, Dúddi? hvurnig? kannski eins og lunda?
djjjjííísss! jæja - þú ert svo mikill bóndi í þér. hvunær komiði heim - í snjókomuna eins og er í dag!?
b.kv.
Helga Sveinbjarnardóttir, laugardagur 30 apríl kl: 18:32
Elskurnar .......TAKK FYRIR SÍÐAST.
Erum komin heim í veturinn, þvílíkur mismunur oj barasta. Úfffffff.
Annars nóg að gera við að hafa gaman að mönnum og málefnum.
Ferðin gekk vel heim hjá okkur báðum en Lilli kom um miðnættið sem ég var komin um sex leytið.
Ferming á morgun hjá Diljá, sund í dag með ættinni og bara gaman nema veðrið mætti fara að lagast. Kveðja til Óla og Böddu, einnig til Helgu og Gumma Knús á ykkur.
Love
Helga
Svana, fimmtudagur 28 apríl kl: 14:04
Gaman hjá ykkur, ég veit að ykkur leiðist ekki að taka á móti gestum. Hér er rok og rigning, frekar óvenjulegt. Ása og Svenni, og hópur með þeim. verða á Góustöðum um helgina, Fossavatnsgangan. Ég vona að ég ná systkinum og mökum saman á laugardagskvöld í mat, veit ekki hvort við sláum upp balla ha ha. Bið að heilsa Böddu og Óla og segðu þeim að Halla sé búin að fresta mallakútum fram í ágúst. Bið að heilsa ykkur í sólinni og vona að hún komi með ykkur heim.