G�sti - Blogg

J�lasveinar Gr�lusynir � Tj�ruh�sinu

Mon, 15 Dec 2008 15:31:00 +0000

Ég var heppinn, en það kemur stundum fyrir. Ég vann í einhverskonar happadrætti, en það kemur aldrei fyrir mig. Þessvegna ætla ég að splæsa heilu bloggi í fagnaðarlætin. Ég vann 2 miða á sýningu Elfars Loga Kómedíumeistara, Jólasveinar Grýlusynir. En öðlingurinn Elfar, bætti við einum miða í vinninginn, þannig að Ég, Hrefna&Saga Líf skelltum okkur í leikhús í gær. Við mætingu byrjaði stemmingin, en Billa stóð í dyrunum í sínu fínasta jóladressi og bauð okkur velkomin í leikhús. Boðið var upp á léttar og ódýrar veitingar áður en sýning hófst. Elfar tók þetta svo með stæl eins og oft áður og skemmtum við okkur konunglega yfir hinum og þessum karakterum ásamt jólasveinunum öllum. Var þetta kærkomin sunnudagsskemmtun og smellti ég þessu í myndasyrpu sem má nálgast hérna.

Endilega kíkið á dagskránna og skellið ykkur á skemmtilega sýningu.

Dalaport � sunnudag

Sat, 01 Nov 2008 21:40:00 +0000

Ætla að skella mér í Arnardal á morgun, og taka þátt í Dalaportinu en það er mun betri gerð af porti en almennt tíðkast. Virkar svipað og portið er kennt er við kol, en auðvitað miiiiiiiiklu betra, enda skipulagt af öðlingsparinu Önnsku og Úlfi. Ætla að vera með nokkrar útprentaðar myndir til sölu á kostakjörum auðvitað og ert ÞÚ kvattur til að mæta!

Takk fyrir mig

Mon, 27 Oct 2008 16:08:00 +0000

Opnunin á sýningunni gekk fínt. Mætti þarna um morguninn og mokaði búrið út úr sköflunum með hjálp búrstjórans mikla. Alls mættu um 21 manns og tel ég það bara ágætt miðað við veður :) Vel gekk á slátrið og mjólkina og kunnu gestir vel að meta þessar alíslenzku veitingar, en þó aðalega börnin og hundurinn.

Sýningin stendur áfram og hvet ég alla til að kíkja við og bera þessa örsýningu augum.
Hérna eru myndir frá opnuninni.

S�ningu fresta� fram � Laugardag!

Thu, 23 Oct 2008 12:51:00 +0000

Ég frestaði ljósmyndasýningu minni fram á laugardag, en hún átti að opna kl: 17:00 í dag. Veðrið er bara þannig að ekkert myndi sjást í myndirnar ofan í búrinu sem er hinn eiginlegi sýningarsalur :) Og hvort einhver myndi mæta, er ég ekki viss og lái ég það engum.

Opnunin verður sumsé á laugardaginn næsta kl: 16:15 niður í Neðstakaupstað. Vona að allir þeir sem ætluðu að koma í dag sjái sér fært að koma þá.

Takk fyrir.

Endilega kíkið á aðra atburði Veturnátta, allt annað á dagskránni í dag er innahúss. Fullt skemmtilegt að gerast. Meðfylgjandi mynd var tekin fyrir ljósmyndakast Krumma sem opnar í dag kl: 18 í Hamraborg. Sjáumst þar!

Muna svo eftir að skrifa undir á indefence.is!

S�ning

Mon, 20 Oct 2008 13:24:00 +0000

Jæja, þá er komið að næstu sýningu hjá mér en ég mun vera með svona smá sýningu í fiskabúri! Já, fiskabúri, en Lísbet Harðardóttir setti þetta búr upp fyrir 2 árum síðan og voru þá fiskar í því, en það hefur breyst og nú er það notað til að sýna í niður í Neðstakaupstað. Snilldar hugmynd b.t.w!

Er þetta partur af Veturnáttum sem er árlegur viðburður hérna fyrir vestan. Ætla ég að sýna 4 myndir alls, 2 portrett og 2 landslagsmyndir og eru þær allar svart/hvítar og prentaðar út á A3. Boðið verður upp á íslenzka mjólk og slátur við opnunina, en sýningin hefst á fimmtudaginn næsta, þann 23.11.08.

Þér er hér með boðið í opnunina!

Lj�smyndakast Krumma

Fri, 17 Oct 2008 08:16:00 +0000

Tekið af vef Ísafjarðarbæjar:

"Ljósmyndakast Krumma verður í næstu viku í tengslum við hátíðina Veturnætur. Um er að ræða eins konar ljósmyndamaraþon í nýfátækum stíl, og er hugmyndin sú að áhugasamir ljósmyndarar meldi sig inn til Krumma, sem fullu nafni heitir Hrafn Snorrason, og fái hjá honum verkefni við hæfi. Hver og einn ljósmyndari tekur svo eina mynd með ákveðnu þema sem Krummi útdeilir og skilar henni til kaststjóra. Myndirnar verða síðan prentaðar út, settar í papparamma og hengdar upp í versluninni Hamraborg á upphafsdegi Veturnátta. Að hátíð lokinni fá ljósmyndararnir myndirnar afhentar til eignar. Rammarnir eru hannaðir, framleiddir og gefnir af fyrirtækinu Formfast.

Hámark 40 ljósmyndarar taka þátt í leiknum. Ekki eru um keppni að ræða, heldur er verið að reyna að fá fólk til að fara úr húsi og taka skemmtilegar myndir sem verða svo til sýnis fyrir bæjarbúa. Köstum okkur í þessa skemmtun og rífum okkur upp úr hversdeginum og myndum það sem okkur er kært og gaman gæti verið að eiga seinna meir. Myndirnar verða síðan afhentar Ljósmyndasafni Ísafjarðar til varðveislu.

Afhending gagna fer fram mánudaginn 20. október klukkan 17 og skila þarf inn myndum fyrir klukkan 19 miðvikudaginn 22. október. Áhugasamir eru beðnir um að senda kaststjóra póst á hrafn@simnet.is "

Flott hugmynd hjá Krumma. Skráði mig í gær, þetta verður stuð. Skráið ykkur endilega ef þið eruð stödd á svæðinu!

Fl�ggum

Thu, 16 Oct 2008 11:30:00 +0000

Tók mig til, ýkti upp þjóðerniskenndina og flaggaði í dag. Ætla hér með að flagga um óákveðinn tíma eins og N1 og Geimskip hafa ákveðið að gera. Þetta er fín aðferð til að þjappa okkur saman og auka stolt okkar íslendinga á því einfaldlega vera Íslendingur. Þegar ég bjó í Danmörku var fáninn iðulega við stöng og fannst mér það frekar þægilegt að sjá hann blakta við hún. Verð nú að viðurkenna að þegar ég arkaði að stönginni með fánann hafði ég ekki hugmynd um hvernig ætti að gera þetta en virðist hafa leyst það og nú blaktir hann við hún að Tangagötu 8 á Ísafirði.

Skelltu þér nú út og flaggaðu kæri Íslendingur.

Áfram Ísland!

Kreppukjaft��i

Thu, 09 Oct 2008 14:08:00 +0000

Þar sem það er kreppa, ber mér víst að minnast á hana eins og aðrir. Ætla þó ekki út í drullumall eins og alvörugefnir bloggarar á blog.is heldur pikka léttari strengi. Þar sem starfsfólk Snerpu og margra annara fyrirtækja er með eindæmum duglegt að pósta léttleikanum í vefpóstinn minn læt ég þetta þrennt fylgja með færslunni. Smellið á myndina til að sjá stærri, og flettið, þær eru 3.

An American said:

"We have George Bush, Stevie Wonder,* *Bob Hope, and Johnny Cash"

And an Icelander replied:

"We have Geir Haarde, no Wonder, no Hope,* *and no Cash"

Svo að lokum, áfram Ísland!

Vestfir�ir 2008

Tue, 07 Oct 2008 13:40:00 +0000

Ég var heppinn í sumar. Ég fékk að ferðast á milli margra frábærra staða hér á Vestfjörðum og var það partur af verkefni sem ég tók að mér. Úr þessu komu ansi margar myndir og held ég að þær hafi verið um 7000 talsins, áður en týnt var úr. Ekki eru þær allar komnar á netið en hérna má finna um 37 albúm, víðsvegar að af Vestfjörðum. Má segja að þetta hafi verið mikill lærdómur í ljósmyndun og einnig um Vestfirði, en nú er ég þeim þaulkunnugur og á fáa staði eftir að heimsækja, en á flesta staði langar mig líka aftur. Það má segja að ég hafi lært meira um ljósmyndun á einum mánuði meðan á verkefninu stóð en síðan ég byrjaði að fikta við þetta upp úr 1990. Þetta sumar verður mér ógleymanlegt, það er á hreinu!

Ætla svo að vera aðeins væminn og tileinka þetta safn henni Hrefnu, konunni minni sem gaf mér óendanlegt frelsi frá heimilinu til að ljúka þessu :)

Sverrir Karl Stef�nsson 1975-1996

Tue, 16 Sep 2008 13:04:00 +0000

Það er 16. september í dag. Vaknaði í morgun með hugann við Sverrir Karl, kæran vin sem lést þann 13.10 1996, þá aðeins 21 árs að aldri. Hann hefði orðið 33 ára í dag. Ég þekkti Sverrir Karl í æsku sem yngri bróðir vinkonu minnar og skólasystur, henni Selmu. Hann var einnig vinur Atla bróðir, en þeir voru fæddir á sama ári. Foreldrar hans eru Stefán Dan Óskarsson og Rannveig Hestnes(Rannsý) og systkinin Harpa, Selma og Helgi Dan. Einstakt fólk sem ég þekki vel og voru í rauninni fólkið sem huggaði vinahópinn á erfiðustu stundunum í þessu ferli öllu.

Þannig að alla tíð þekkti ég drenginn og þegar hann var 17-18 ára urðum við góðir vinir. Sverrir Karl kom úr stórum vinahóp hérna á Ísafirði og má segja að hann hafi verið límið sem hélt honum saman. Hann var mikill vinur vina sinna og lét hann ekkert eftir sér ef einhvað hrjáði vini hans og gekk í málin umsvifalaust við hvaða aðstæður sem er. Enda sást það í kveðjuveislu sem við héldum til minningar um hann hversu marga vini hann átti. Veislan sú var haldin upp á gamla skíðaskála og var húsið fullt af fólki sem hann þekkti og voru vinir hans og vá hvað það var gaman þetta kvöld. Einhvað sem þyrfti að endurtaka á næstu árum jafnvel?

Sverrir var mikill listamaður í sér og skildi hann eftir sig fjöldamargar myndir, ljósmyndir og ljóð sem kom út í bók sem var prentuð í kringum lát hans. Hef ég beðið um eintak af þessu í tölvutæku formi og er ætlunin að reyna að koma þessu á netið fyrir okkur öll til að skoða. Ef einhverjir eiga myndir af eða eftir Sverrir Karl í tölvunni sinni og vilja deila, er þeim bent á að hafa samband við mig. Líka væri gaman að fá myndir til innskönnunar. Stefnan er að búa til svæði á netinu þar sem þetta verður aðgengilegt og stakk Harpa systir hans upp á því að vinir gætu sent inn myndir og texta jafnvel.

Þar sem ég veit að þessi stóri vinahópur er orðinn dreyfður um allar hjarðir fór ég inn að leiði Sverris í dag og skildi þar eftir blóm og logandi kerti frá okkur öllum sem þekktum hann.

Sverrir Karl Stefánsson, blessuð sé minning þín.