Eftir morgunmatinn hjólaði ég suður í Straumsvík að líta eftir stöðinni hjá mér. Ég fór flóttamannaleiðina í dag því umferð var frekar lítil. Annars finnst mér þessi leið svolítið glannaleg vegna þess að menn eiga það til að kitla pinnann ansi hressilega í blindbeygjum og hæðum þar og þá séstaklega ungir ökumenn. En þessi leið er styst, eða 16 km.
Að loknu eftirliti hjólaði ég lengri, en örugari leið heim. Fyrst niður í miðbæ Hafnarfjarðar, svo meðfram gömlu höfninni, framhjá Hrafnistu, gegnum Sjálandshverfið, yfir Arnarnesið, gegnum Kópavogsdalinn og Breiðholtið. þessi leið var rúmir 20 km. Eftir þessa ferð hjólaði ég með Öldu um Elliðaárdalinn, Breiðholtið, Seláshverfið, Grafarholtið,Grafarvoginn, Bryggjuhverfið og svo heim í Álfkonuhvarfið við Elliðavatn en með áningu í Álakvísl.
Alls var þessi hjóladagur upp á 60 km og til gamans má geta að ég hitti að minnsta kosti 10 manns á leiðinni sem ég þekki. En það er víða pottur brotin á hjólaleiðum  hér á landi eins og sjá má á myndum sem ég tók á leiðinni. Annars var þetta ágætis æfing fyrir Austurríkisferðina.

---

Da jeg havde spist morgenmad cyklede jeg de 16 km til min arbejdsplads i Straumsvik. Den rute jeg cyklede er den korteste, men til gengæld er den ikke helt ufarlig fordi der bliver køret alt for stærkt, særlig af mange unge billister på den snævre vej. Efter mit daglige eftersyn cyklede jeg en stor omvej hjem af en meget sikrere rute. Jeg mødte mange af mine bekendte på min 60 km lange cykletur i dag og det var en god træning til Östrigs- cykleturen der starter om 12 dage. Alda cyklede med de sidste 17 km.
Men der er mange ulemper ved at cykle på Island som ses på mine billeder fra turen