Þó dömurnar þínar loks komnar hverfi sem skjótast.
Hvað ætti það í rauninni að bögga þig.
Á sérhverjum ljósum - já og löggiltum bílastæðum,
þær leita á þig nýjar sem sitt vilja ljá þér og sig.

    Þú sem lætur hvunndagsraunirnar
    ríða þér á slig.
    Ef þú smælar framan í heiminn
    þá smælar heimurinn framan í þig

Vindarnir þó gnauði og gusti um þig illir

og groddalegar hryðjurnar herji þig á.
Sólin mun skína og skattböðlar týna fælnum
og skuldir þær fyrnast og miðlarinn fer enn á stjá.

    Þú sem lætur hvunndagsraunirnar
    ríða þér á slig.
    Ef þú smælar framan í heiminn
    þá smælar heimurinn framan í þig

Verðmæti þín þó vinki og hverfi út í bláinn
og það vitnist ekkert um ferðir þeirra meir.
Hafðu þá rænu aldrei að ætla þér rænu
ekki aðeins í Hveragerði baða menn sig uppúr leir.

    Þú sem lætur hvunndagsraunirnar
    ríða þér á slig.
    Ef þú smælar framan í heiminn
    þá smælar heimurinn framan í þig

Nóg er af tárum og takmarkalaust hve þeim rignir
svo tilgangs- og marklausum farvegum að streyma í.
Mundu að þau eru til þess eins að brúka í beitu
og til að bæta veðrið nei vanþörf er sjaldnast á því.

    Þú sem lætur hvunndagsraunirnar
    ríða þér á slig.
    Ef þú smælar framan í heiminn
    þá smælar heimurinn framan í þig

Og veröldin hún er flá það er ljóst fyrir löngu
og lífið það hatar þig bæði hátt og lágt.
Því er að vera fremstur í fláttskap og vélum
einatt flaggandi smælinu góða við fjandann í sátt.

    Þú sem lætur hvunndagsraunirnar
    ríða þér á slig.
    Ef þú smælar framan í heiminn
    þá smælar heimurinn framan í þig

Kannski þig muni í maðkagilið án tafar
ef manntötur lífið er þér slíkt offermi.
En líttu í kringum þig komdu auganu á það
þeir klára sig best sem sig halda undir meðallagi.

Megas

Hann er mættur loxins, sumargjöfin mín barst mér í gærkveld. Sverrir Úlfur sonur minn, sem eyðir sumrinu ávallt með okkur er kominn og búinn í skólanum. Saga systir hans trylltist úr kæti þegar hún sá hann í morgun. Full dagskrá er framundan hjá drengnum, en hann er alltaf í boltanum og svo er búið að skrá hann á siglinganámskeið hjá Sæfara sem verður eflaust spennandi fyrir 10 ára púka.

Ég verð bara að viðurkenna það, mér líður aldrei betur en þegar bæði börnin eru undir mínu þaki. Þannig að nú má sumrið koma með öllum sínum hita, sól og látum. Það styttist í sumarfríið okkar og ég er farinn að telja niður í fríið. Við eigum svo pantaðann sumarbústað í viku í júlí í Vantsfirði, rétt hja Flókalundi.

Svei mér þá ég eigi ekki eftir að taka mikið af myndum í sumar!

Þar sem orkuboltinn ég þarf alltaf að vera að þá ætla ég að opna mína aðra ljósmyndasýningu nú um helgina. Þar ætla ég að sýna 8 portretta af fólki í undarlegum aðstæðum, svona einhvernvegin þar sem það á ekki heima, að gera það sem það er að gera. Erfitt að lýsa þessu, verið bara að koma og berja þetta augum!

Sýningin verður opnuð á laugardaginn kl: 14:00 í Hamraborg á Ísafirði og er ÞÉR boðið sérstaklega...já og þér líka. Aðdragandinn að þessari sýningu var stuttur og þegar ég var beðinn um að halda hana, þá sagði ég bara jájá, en hafði ekki hugmynd um hvað ég ætlaði að sýna.....mér líkt. En þetta fór allt vel og fólk var mjög jákvætt um að vera á þessum myndum. 3 síðustu myndirnar voru teknar á 3 síðustu dögum þannig að þetta var smá rokk en allt fór vel, eins og í góðri lygasögu bara.

Mig langar að þakka eftirtöldum aðilum ómetanlegan stuðning við vinnslu verkefnisins.

• Vélsmiðjan Þristur
• Rammagerð Ísafjarðar
• Snerpa ehf
• Jón&Gunna
• Leggur og skel
• H-prent
• Funi
• Ísafjarðarkirkja
• Langi Mangi
• Hjónin á Alviðru
• Baldur P. Hólmgeirsson
• Kómedíuleikhúsið
• Víkingaverkefnið á Þingeyri
• Páll Önundarson

og öllum þeim sem nenntu að pósa fyrir mig!

Svo mun ég pósta seríunni hérna á síðuna fljótlega fyrir ykkur sem komist ekki að skoða.

Ánægja birtist í mörgum formum, ást, stolti, fjölskyldu og stundum veraldlegum hlutum, en það gerðist einmitt í dag í ljósmynduninni að ég varð mjög ánægður með verk sem ég gerði af eigin áhuga og fékk svo fína viðurkenningu af aðilum sem vinna við Byggðasafnið hérna á Ísafirði. Jón Sigurpáls og Böddi höfðu samband við mig fyrr á árinu og höfðu áhuga á að gera póstkort með myndum sem ég hafði tekið niður í Neðstakaupstað og voru póstkortin að berast mér, en Böddi var svo næs að skutla þeim hingað í vinnuna til mín. Er svo ætlunin að reyna að gera 5 ný á hverju ári og verða myndirnar allar teknar með starf Byggðasafnsins í huga um alla Vestfirði. Einnig fengu þeir myndir frá mér i haus nýrrar vefsíðu sem þeir eru að vinna við og verður opnuð innan tíðar.

Frábært!